Festa do Balonman en Camariñas

Este Domingo pasado día 23 de maio, vivimos no Areal unha festa do Balonmán, donde tiveron cabida os mais pequenos e os mellores xogadores galegos da actualidade.

Pola mañán desputaronse as fases finais provinciais de benxamins e alevins, participando nelas 6 equipos pertencentes a 4 clubes Oar Caixanova, Camariñas, Artabro Oleiros e Santa Comba.

Felicitar os participantes, e os gañadores Oar Caixanova en Benxamins e Artabro Oleiros en alevins, tamén felicitar a todolos que fixeron posible esta xornada (arbitros, mesas, etc), tendo cada cousa no seu lugar, e facendo que a xornada se desenrolara sin problemas.

Dos nosos resaltar o avance dos benxamins, que deixaron patente na pista a sua mellora, e que loitaron coma jabatos e jabatas ante rapaces con mais anos a maioria e polo tanto mais desenvoltos no xogo, e con maior capacidades fisicas. Os alevins lastrados polas baixas, por mor dunha excursión estiveron sen cambios ate o derradeiro encontro onde os nosos benxamins foron quen de votarlles unha man, ainda asi destacar a progresión de Fran na porteria e Pablo que continua sendo unha dor de cabeza para os rivais (que según me contaron incruso foi vitima dunha defensa "persoalizada" nun dos partidos)

Pola tarde o Conservas Boya tiña coma rival o Oar da Coruña, e pese a comezar ben o choque, indo por diante no marcador ate mediada a primeira parte, os cambios para dar folgos os xogadores de principio fixeron baixar a intensidade defensiva e os Coruñeses conseguiron finalizar a primeira mitade con 12-15 no marcador a pesar da boa actuación de Lalá na portería.

O segundo tempo foi unha continuación dos ultimos minutos da primeira mitade, un Oar que acadaba goles ben doados, e un Conservas Boya que intentaba equilibrar o marcador da peor forma posible (sen defender e a base de individualidades en ataque). Os cambios de postos, defensas e xogadores non serviron de nada, xa que calquera xogador herculino era capaz de fintar os nosos e provocar superioridades ( o único que se salvou da queima foi Perón, que a forza de adestrar ben remata a tempada cun posto fixo no equipo), por conseguinte resultado final de 30 - 37. Polo Oar destacar a sua primeira liña, en especial De las Heras.

Remataba a Xornada co partido agardado por todos, a nosa selección, que tiña enfrente unha Gran Bretaña demasiado frouxa para facerlle frente, poido verse momentos de defensas agresivas, algún pique, flays, roscas imposibeis, blocaxes estratosféricos e pases increibles (Victor Vigo deu unha exhibición de visión de xogo...). A grada chea pese o bo dia de praia, pese o futbol, e pese a todos. Polos ingleses o seu nº8 (lateral esquerdo) e o porteiro da segunda mitade foron os mais destacados en opinión da maioria de "balonmanistas"

E rematou o día con todos cansados, pero satisfeitos de que a capital do Balonman foxe por un día Camariñas.